Дуучин хүн бүр өөр өөрийн онцлогтой байдаг. Гаргасан уран бүтээл бүрээс нь чанар мэдрэгдэж, хамаг л “хөөрхөн” охидуудыг клипэндээ тоглуулдаг дуучин бол Г.Дэлгэрцогт юм. Түүний “Миний нандин”, “Учралын намар”, “Шөнийн бороо” гэх мэт дуунуудыг нь сонсогч олон сайн мэднэ. Нам гүмхэн байсан тэрээр анхны тоглолтоо нэрлэж байсан “Үлэмжийн гоо” дууны remix хувилбарын шинэхэн клипээ сонсогч олондоо толилууллаа.
Үлэмж тансаг аялгууг, үнэнч ариухан хайрыг, үүрд дурсагдах амьдралыг, үлэмжийн гоо бүхнийг дуулсан дуучин залуугийн энэхүү дууны шүлгийг МЗЭ-ийн шагналт, яруу найрагч Д.Ган-Очир, аялгууг “Аянга” студийн захирал, хөгжмийн зохиолч Э.Эрболд бичжээ.
Ингээд та бүхэндээ дуучин Г.Дэлгэрцогтын шинэ уран бүтээл “Үлэмжийн гоо” дууны remix-ийг хүргэж байна.
