Монгол Улсын Хөдөлмөрийн баатар, гавьяат тамирчин О.Гүндэгмаа “Алдар” спорт хорооны 80 жилийн түүхэнд анх удаа эмэгтэй хурандаа цол хүртсэн түүхэн амжилтын эзэн боллоо.
Тэрбээр буудлагын спортоор олон жил амжилт гаргаж, долоон удаагийн Олимпын наадамд Монгол Улсаа төлөөлөн оролцож, төрийн далбаагаа дэлхийн тавцанд олонтаа мандуулсан билээ. Ялангуяа 2008 оны Бээжингийн Олимпоос мөнгөн медаль хүртсэн нь Монголын спортын түүхэнд тод мөр үлдээсэн амжилт болсон.
Энэ удаагийн цол хүртсэн явдал нь зөвхөн түүний хувийн амжилт төдийгүй, Монголын эмэгтэйчүүдийн манлайлал, батлан хамгаалах салбар дахь оролцоог шинэ түвшинд гаргасан үйл явдал хэмээн онцолж байна.
