Монголын Ардчиллын “алтан хараацай”, эрхэм хүндэт “халзан Д.Баттулга” хэмээн олонд алдаршсан, Нийслэлийн АН-ын дарга асан, НИТХ-ын дарга асан Д.Баттулга тэнгэрийн оронд заларсан билээ.
Түүнийг хөдөөлүүлэх үед Э.Бат-Үүл, Монгол улсын Ерөнхийлөгч Ухнаагийн Хүрэлсүхэд талархал илэрхийлэв.
Тодруулбал, Э.Бат-Үүл өөрийн цахим хуудаст “Ерөнхийлөгч У.Хүрэлсүх маань салах ёс хийх ажиллагаанд биечлэн хүрэлцэн ирж, эмгэнэл илэрхийллээ. Тэрээр МоАХ-ын партизануудын дунд энгийнээр дугаарлан зогсож, ээлж нь ирэхэд гүнээ мэхийн ёслон, гашуудлын цуваа холдох хүртэл хүндэтгэн зогссон нь үнэхээр хүндэтгэл төрүүлэм үйлдэл байлаа.
Д.Баттулга дарга бол ийм л хүндэтгэл хүлээх лидер хүн байсныг энэ бүхэн илтгэж байна.
Манай намын залуус болох Ган-Очир, Болормаа нар энэ бүхнээс сургамж авч, ахмад үеийнхээ үнэт зүйлсийг ойлгож авна гэдэгт найдаж байна.
Ямартай ч 1990 оны Ардчилсан хувьсгалын анхдагчдад үргэлж хүндэтгэлтэй ханддаг Ерөнхийлөгч У.Хүрэлсүх танд баярлалаа.” гэжээ.
