“Хөөрхөн” Т.Хулангийн хээгүй хувцаслалт
Дэлгэцийн урлагийн сайхан бүсгүйчүүдийн тоонд багтдаг жүжигчин Т.Хуланг “Хөөрхөн Хулан” хэмээн нэрийддэг.
Найруулагч Д.Галбаяртай дэр нэгтгэсэн цагаасаа хойш нам гүм байдлыг илүүд үзэх болсон тэрээр элдэв чамирхал, ганган хэв маяггүй хээгүй нэгэн гэдэг. Түүний тэр байдал үйл хөдлөл, хувцаслалтад ч харагдах нь бий.
Өөрийнхөөсөө илүү нөхрийнхөө карьерт илүүтэй анхаарах болсон Т.Хуланг машид халамжтай бүсгүй гэдэг.
Дашрамд дуулгахад, Т.Хуланг энэ хорвоод мэндэлсний дараа нагац ах нь ОХУ-ын алдарт балетчин бүсгүй болох “Francesca”-ийн нэрийг хайрлаж байжээ.
Харин түүний ээж охиныхоо нэрийг бүртгүүлэхээр очиход бүртгэлийн ажилтан тус нэрийг ихэд гайхан дахин дахин асуусанд сандарсан ээж нь бүртгэлийн ажилтны хойно байрлах давхиж яваа хулангийн зургийг харан түүний нэрийг Хулан хэмээн бичүүлсэн байдаг бөгөөд тэр цагаас хойш жүжигчин бүсгүй Хулан хэмээх нэрээр амьдарч буй гэсэн шүү.
Хэрэв тэрээр нэрээ солиулаагүй байсан бол дэлгэцийн урлагт өвөрмөц нэртэй хөөрхөн бүсгүй гэдгээрээ алдарших байж. Гэсэн ч тэрээр өөрийн нэрэндээ тун ч хайртай гэх бөгөөд аль алиныг нь хүндлэн дээдэлж явдаг гэнэ лээ.
