Засгийн газрын ээлжит хуралдаан өнөөдөр болно. Хуралдаанаар үйл ажиллагааг нь түр хугацаагаар хориглосон аж ахуй нэгжүүдийн асуудлыг хэлэлцэж, хугацааг сунгах эсэхийг шийдэх юм.
Засгийн газрын 118-р тогтоолоор өндөржүүлсэн бэлэн байдлын зэргийг зургадугаар сарын 30-ныг хүртэл сунгасан.
Түүнчлэн, наадамтай холбоотой асуудлыг дахин хэлэлцэх аж. Халдварын тархалт их байгаа энэ цаг үед цахим наадмаар ч яадаг юм. Тэр их мөнгөө өвдөж буй, өвдөх эрсдэлтэй иргэддээ тараа.Мөн эрүүл мэндийн байгууллагын ажилтнуудынхаа цалин урамшуулалыг нэмээсэй билээ. Өнгөрсөн хугацаанд эрүүл мэндийн байгууллагын ажилчид маань цар тахлын тодорхой голомтуудыг тогтоож, заримыг нь хумиж байх шиг байна. Гэсэн хэдий ч цаашид хөл хориог сунгах тухай яригдсаар байгаа. Харин тэгвэл хөл хориог үргэлжлүүлэн сунгаснаар нэг сая илүү хүн нэн ядуу ангилалд багтаж, олон жижиг дунд бизнесийнхэн дахиж сэхэхээргүй болтлоо дампуурах байдал үүсчихээд байгаа нь нууц биш.
Өдрийн орлого, цалингаараа амьдралаа болгож ирсэн дундаж давхрагынхандаа чиглэсэн ямар нэгэн бодлого авч хэрэгжүүлэхгүй байгаагийн гор нь энэ. Улстөрчид, дарга нарын хэлдэг ганц үг нь хүүхдийн мөнгө. Гэвч хүүхдийн мөнгөнөөс хасагдчихсан, цалингүй зогсчихсон, өдрийн орлого нь хаагдчихсан олон хүмүүсийн цаашдын амьдрал хэцүү байдалд орж эхэллээ.
Дэлхийн бусад орнуудад ч энэ өвчний тархалт бүрэн намжаагүй байгаа ч шат дараатайгаар хатуу хориогоо цуцлаж, дундаж болон түүнээс доош амьдралтай хүмүүстээ тусламж олгож байна
