Коронавируст халдвараар өвчилсөн иргэдийн хувьд сэргээн засах үйлчилгээг яаж авах, хэрхэн хэвийн амьдралдаа орох вэ гэсэн асуулт хариу нэхдэг.
Энэ талаар Нийслэлийн Эрүүл мэндийн газрын уламжлалт анагаах ухаан, сэргээн засах, хөгжлийн бэрхшээлтэй иргэдийн асуудал хариуцсан мэргэжилтэн Д.Цэнджав дараах зөвлөгөөг өгчээ.
Тэрээр “Коронавируст халдвараар өвчлөөд эдгэрсэн иргэд эрүүл мэндийн байгууллагад үзүүлээд тохирсон сэргээн засах эмчилгээ хийлгэж байгаа. Иргэд өөрсдөө, сайн дураараа сэргээн засах эмчилгээг гэрээрээ хийх нь бий. Ингэхдээ зарим иргэн, тэр дундаа залуучууд алдаа гаргаж, биедээ хэт их ачаалал өгч байна. Эдгэрээд удаагүй байхдаа спортын хурд, хүч шаардсан дасгал, багийн тоглоом тоглож биед ачаалал өгөх нь эсрэг заалттай гэдгийг тодотгоё.
Халдварын улмаас өвдөж эдгэрсний дараа дасгал хөдөлгөөнийг бага эрчимтэй хийх учиртай. Хурд хүчээ аажмаар нэмэгдүүлээгүйгээс, урьдын адил хэт ачаалалтай дасгал хийснээс болж уушги хэтэрхий ачаалж, эргэн сэргэж буй уушгинд сөргөөр нөлөөлж, мэдрэл сульдлын хам шинж даамжирч байгааг Дэлхийн эрүүл мэндийн байгууллагын судлаачид онцгойлон тэмдэглэсэн. Иймд иргэд коронавируст халдвараар өвчлөөд эдгэрснийхээ дараа эрүүл мэндийн байгууллагын зөвлөгөөг дагаж, дасгал хөдөлгөөний эрчмээ тохируулахыг сануулъя гэв.
Тэгвэл азийн бусад орнуудад нохойн мах идэхийг хориглох санал гаргаад байгаа аж. Тодруулбал, БНСУ-ын Ерөнхийлөгчийн Тамгын газраас энэ талаар нохойн мах идэх уламжлал нь олон улсад тус улсын нэр хүндийг унагаж, эвгүй байдалд оруулдаг гэж мэдээлсэн юм. Солонгосын ард түмэн олон зуун жилийн турш хүйтний улиралд нохойн мах идэж ирсэн бөгөөд иргэд жил бүр ойролцоогоор хүнсний зориулалтаар үржүүлсэн нэг сая гаруй нохойг хүнсэнд хэрэглэдэг гэх тооцоо бий.
Гэвч сүүлийн жилүүдэд амьтны эрхийг хамгаалах байгууллагуудын шахалт болон олон улс дахь нэр хүндтэй холбоотойгоор нохой махыг хүнсэнд хэрэглэх байдал эрс буурсан байна. Ялангуяа Өмнөд Солонгосын залуус нохойн мах идэхийг хүчтэй эсэргүүцэж, хориглохыг шаардсан болсон аж.
