Цар тахлын хүндэрсэн нөхцөл байдлын улмаас эмч, эмнэлэгийн ажилтнууд хамгийн их ачаалалтай ажиллаж буй.
Тэгвэл олны танил хүмүүсээс тэдний ажилд сайн дураараа туслаж эхэлсэн байна. Тухайлбал, реппер Big Gee өнөөдөр СХД-ийн 27-р хорооны өрхийн эмнэлэгт ажиллаж байгаа аж.
Тэрээр энэ тухайгаа “БЗД 27-р хорооны өрхийн эмнэлэгт сайн дурын ажил хийж байна.
Ковидын энэ хүнд нөхцөлд хүрэлцэж ядан ажиллаж байгаа эмч, эмнэлгийн ажилчдаа ойлгож, хайрлаж, хүндэлж харьцахыг хичээгээрэй!!! Үнэхээр эмч нар хүрэлцэхгүй, ачаалал стресс өндөр хэцүү нөхцөлд байна.
Эмч нар минь битгий шантраарай. Бид та бүхэнтэй хамт шүү!!! Хэцүү цаг үеийг хамтдаа давцгаана шүү!!!
Дор бүрнээ хичээгээрэй. Ковидоор өвдөх нь цаг хугацааны асуудал гээд тайвширч огт болохгүй. Маскаа сайн зүүж халдвар хамгааллын дэглэмээ сахиарай хүмүүс ээ” гэжээ.
