Монголын Реп техно хөгжмийн амьд домог гэгддэг “Хар Сарнай” хамтлагийн ахлагч С.Амармандахыг мэдэхгүй хүн ховор.
Тэрээр Монголын бахархал болсон Монгол Улсын Ардын жүжигчин, Төрийн шагналт, Урлагийн гавьяат зүтгэлтэн, Зууны манлай бүжиг дэглээч Ц.Сэвжид гуайн ач хүү билээ. Гурван үеийн бүжгийн удамтай хүн юм. Түүний аав нь Төрийн соёрхолт, Урлагийн гавьяат зүтгэлтэн, найруулагч, бүжиг дэглээч С.Сүхбаатар билээ.
Одоогоос гучин жилийн өмнө од болох эхлэлээ тавьж байсан тэрээр 40 нас хүртлээ гоонь эрийн амьдралаар амьдарч явсан. Ану, Бөртэ-Үжин зэрэг эртний хатдын нэртэй бүсгүйчүүдтэй хамтран амьдарч байсан ч албан ёсоор ханилан суугаагүй.
Харин “Хар сарнай”-н Амарааг 40 насанд нь “номхруулсан” эмэгтэй бол Д.Туул хэмээх бүсгүй. Д.Туул С.Амармандахаас 11 насаар дүү ч өмнө нь амьдрал үзсэн, нэг хүүтэй болохоор хэдийгээр омголон ч зөөлөн, эмэгтэй хүнийг хүндэлдэг С.Амараагийн эвийг олж чадсан байх.
С.Амармандах туулай жилд Бүжин нэрт охинтой болсноор “Хар сарнай”-н Амараа ч, хоёр хүүгийн аав Сэвжидийн Сүхбаатар гуай ч ач охиндоо нурж унах болсон. “Хар сарнай”-н Амараа дахин хүүтэй болж, амьдрал тогтон томоожсон гэдгийг ойр хавийнхан нь хэлдэг.
Ташрамд дуулгахад, 2011 онд дуучин С.Амармандах “Би монгол хүн” цомгийн баяраа хийж байжээ. Цомгийн баярын үеэр өвөөгийнхөө дэглэсэн “Жалам хар” бүжгийг аав, дүү хоёрынхоо хамт бүжиглэсэн нь олон хүн бахархал төрүүлэм байв.
2011 он. Тэрээр Харанга” хамтлагийн дуучин Х.Лхагвасүрэн, “Номин талст” хамтлагийн дуучин Т.Дэлгэрмөрөн нартай хамтран “Монголын нууц товчоо” хэмээх дууг дуулж, олныг байлдан дагуулж байв.
2018 он. Тэрээр “Хөдөлмөрийн гавъяаны улаан туг”-ийн одонгоор шагнуулж байжээ.
Эхнэрийн хамт
2019 он. Тэрээр “Сэрүүн булаг” хэмээх дуу нь олонд их сайшаагдсан билээ.
2020 он. “Хар сарнай” хамтлагийн ахлагч, дуучин С.Амармандах гэр бүл, найз нөхдийнхөө хамт коронавирусийн халдвар, тархалтаас сэргийлэх ажилд туслалцаа үзүүлж, эрүүл мэндийн байгууллагын ажилчдын хамгаалах хэрэгсэл, хувцас хэрэглэл, шаардлагатай эм, тариа авахад зориулж 30 сая төгрөг хандивласан байна.
