“3 охин” хамтлагийн дуучин Соло буюу Д.Солонго төрөл арилжсан гэж болно. Тэрбээр гоо сайхны хагалгаанд орж улам хөөрхөн болоод урлагтаа эргэн ирсэн.
Соло уран бүтээлээ хийж цомог хүртэл гаргаад амжсан билээ. Тэрээр Mongolian Huyndai компанийн босс М.Энхмандахтай романс үүсгэсэн хамтын амьдралаа эхлүүлээд хоёр жилийн нүүр үзэж буй. Тэгвэл тэд цар тахлыг үл ажран гадаад далайд аялж, тэнгис далайн уудмыг биширч яваа бололтой.
Д.Солонго айлын ганц охин. Хоёр ахтай, нэг эрэгтэй дүүтэй. Гэр бүлд нь түүнээс өөр урлагийн хүн байхгүй гэсэн. Эмээ нь түүнийг Хөгжим бүжгийн коллежид элсүүлэхээр хөтлөж очоод шалгуулж байж. Д.Солонго ч тэнцэж, төгөлдөр хуурын ангид орж, улмаар дүүргэжээ.
Тэрбээр эмээгээ өөрийг нь урлагийн хүн болох замд оруулсан хүн хэмээсэн бол урлагт хөтлөсөн зүйлээ төгөлдөр хуураа гэдэг нэгэн. Тэр анх ангийнхаа хүүхдүүдийн хамт Ирээдүйн одод тэмцээнд орж Гранпри шагналын эзэн болж байж. Тэндээс л 3 охин хамтлагаа байгуулах, өнөөдрийн амжилтаа олох суурь тавигджээ.
