АНУ-ын CBS компанийн албан ёсны эрхтэйгээр Боловсрол телевизийн бэлтгэн хүргэдэг “The Models” шоу нэвтрүүлгийн эхний дугаар энэ амралтын өдөр үзэгчдийн хүртээл болох аж.
Mongolian next model нэртэйгээр анх үзэгчдийн танил болж байсан тус шоуг энэ удаад загвар өмсөгч Нора биш топ модел Уранцэцэг буюу Урнаа хөтлөх аж. Тус нэвтрүүлэгт 18-25 насны модель болох хүсэлтэй охидод оролцож загварын салбартай танилцах бөгөөд шоуны ялагч дэлхийн нэр хүндтэй компаниудтай хамтран ажиллана.
Тус шоуны хөтлөгчөөр ажиллах загвар өмсөгч Г.Уранцэцэг Топ модель гэх титэм, цолыг толгойдоо нэр төртэйгээр зүүсэн цорын ганц эмэгтэй гэж болно. Биеийн харьцаа, өндөр, техник зэргээр түүнийг гүйцэх топ модель Монголд байхгүй. Яг үүн шигээ тэр тун ч характертай фигур.
Загвар өмсөгч гэхээр бүлтгэр нүдтэй, хөөрхөн царайтай байх ёстой юм шиг ойлгодог манайхан түүнийг маамий эрүүтэй гэж мөн ч олон жил өөнтөглөж, шоолсон.
Эцэст нь тэр эрүүгээ шулуулах зэргээр косметик мэс хагалгаанд капитал засвар шахуу юм хийлгэж, төрөл арилжиж, гол нь үүнийгээ ил шулуухан тунхагласан. Мань эр амьтан хүний шоолсноос ч биш цаад газартайгаа гэрээ энэ тэр байгуулж, нэг талаар өөртөө хөрөнгө оруулалт, нөгөө талаар пиар хийсэн юм шиг байгаа юм.
Тэгэхэд түүний эр зоригтойг амьтан хүн гайхаж, шагшиаж байсан санагдана. Тэр үнэхээр ч зоригтой бүсгүй л дээ. Жинхэнэ од шиг од байж чадаж байгаа гэх юм уу даа.
Өдгөө 36 настай топ модель бүсгүйн “Мон-Эрдэнэ”-ийн өв залгамжлагч П.Энхмөнхтэй удаан хугацаанд үерхэж, хуримлах суухаасаа өмнө хоёр тийш болсон билээ.
