Короновирусын улмаас алдарт сэтгүүлч Б.Ганчимэг өдгөө ХӨСҮТ-д хэвтэн эмчлүүлж буй.
Тэрээр сэтгүүлчийн байр суурьнаас тухайн төвийн доторх үнэн төрхийг олон нийтэд цахим хуудсаараа дамжуулан илэрхийлдэг болсон билээ.
Сэтгүүлч бүсгүй саяхан 25-р суваг телевизтэй утсаар ярихдаа дараах байр суурийг илэрхийлжээ.
“Хамгийн сүүлд хэзээ засвар орсныг энд байгаа баг нь мэдэхгүй, санахгүй байна. Хүмүүсээс асуухаар дуугаа хураачихсан, айдастай, сэтгэл санааны багагүй дарамтанд байдаг юм шиг болчихсон байна. Дээр нь энэ цар тахлын үеийн туулж байгаа амсч байгаа ажлын ачааллын дарамтаас илүү дотор нь тогтсон байгууллагын ёс, соёл гэж байна.
Тэр нь өөрөө их дарамт болсон газар юм уу гэж би анзаарч байгаа юм. Хүмүүс нь нэрээ нуугаад л та нууцлал сайн хадгална биз дээ гэх юм байна шд. Хэдэн онд бид амьдраад байгаа юм бэ?
Нөгөө дотоод яамныхан, ногоон малгайт гэдэг шиг. Соёлын хувьсгалаа хийхгүй бол энд бараг жоом энэ тэр хангалттай байгаа байхаа. Хулгана энэ тэр гээд юу байдаг юм халдварт өвчин түгээдэг бүх аймшигтай юмнууд нь байна.
Арай ч дээ гэмээр. Би бичсэн шүү дээ. Сэтгэлээ тэврээд гүйхэд бол бас энэ хүмүүс нь сонсдог юм байна лээ. Жаахан ч гэсэн юм хийгээд явахад бол болдог. Үнэхээр тэр хүн ямар аймар хүн байсан юм, энэ бараг том гэмт хэрэг гэж би харж байгаа. Энэ хүн юун шагнуулах, юун мандуулах харин ч шалгагдах ёстой гэж би бодож байна” гэжээ.
Ямартаа ч, “хаалттай” гэдгээрээ алдаршсан ХӨСҮТ-ийн дотоод нөхцөл байдал, эмч ажилчдын ажиллах орчин, нөхцөл байдлыг олон нийтэд үнэн бодитоор ил гаргаж буйд иргэд ихээхэн талархалтай байна” гэжээ.
