Одуудыг цуглуулсан оны анхны Hair couture шоу өчигдөр Шангри-Ла цогцолборт боллоо. Ойрын хэдэн жил урлаг, улс төр, спортын салбарын олны танил хүмүүс ингэж нэг дор цуглараагүй уджээ.
Тус томоохон хэмжээний шоу, хүлээн авалтад олны танил хүмүүсээс гадна олонд танигдаагүй ч өөрийн биеэ авч яваа байдал, гоо төрх, үнэтэй чанартай брэндийн хувцаслалтаараа олны харцыг нэгэн бүсгүй булааж байв.Тэр бүсгүй бол Оюунаа гэх хөөрхөн эмэгтэй.
Түүний өмссөн даашинз, толгойн гоёл зэрэг нь шоунд оролцогч, зочдын харцыг өөрийн эрхгүй булааж байсан юм. Учир нь түүний өмссөн энэхүү гоёмсог даашинз, толгойн гоёл, гутал зэрэг нь манай улсад худалдаанд байдаггүй. Европын орнуудад өндөр үнээр худалдаалдаг дэлхийн алдарт брэндийн шинэ загварын хувцаснууд ажээ. Түүнийг танихгүй, мэдэхгүй олны танил бүсгүйчүүд ч Оюунаа бүсгүйн биеэ авч яваа байдал, өмссөн хувцасны загвар хийц, материал чанарыг хараад “Хаанахын хэн гэдэг бүсгүй вэ” гэж нэг нэгнээсээ шивэр авир хийн, сураг ажиг тавьж байгаа харагдсан шүү.
Ямартаа ч, Өмссөн хувцас, гоо төрх, биеэ авч яваа байдал, харизмаараа олны анхаарлыг татаж байсан Оюунаа бүсгүй энэ үдшийн олны анхаарал татсан эрхмүүдийн нэг байв.
