Продюссер Б.Ангирмаатай байгуулсан хатуу гэрээний улмаас чамгүй олон жил хүнтэй сууж, хүүхэд төрүүлэх эрхээ хасуулсан “Киви”-гийн бүсгүйчүүд хоёр, гурван жилийн өмнөөс л өөрсдийн дураар амьдрах эрхтэй болж байлаа.
Хамтлагийн ахлагч Ука гучин нас нэлээн давсан хойноо гэр бүлийн амьдрал зохиож, ойрхон амаржиж хоёр хүүхдийн ээж болоод байгаа.
Харин хамтлагийн гишүүн Агий улстөрч эрхэмтэй нэр холбогдсоноос олны хэл амнаас хол байх болсон бол, өөр нэг гишүүн Ц.Намуунаа өнгөрсөн онд нөхөрт гарч ээж болсон билээ. 
Түүнийг Соёлын гавьяат зүтгэлтэн Д.Ухнаа гуайн зээ охин төдийгүй мэргэжлийн төгөлдөр хуурч гэдгийг мэдэх хүн олон.
Эрлийз төрх, нуруулаг бие галбираараа үргэлж сондгойрч ирсэн Ц.Намуунаа дуучин Д.Болдын дүү, “Шилдэг өнгө” продакшны жүжигчин зэрэг цөөнгүй залуустай үерхэж явсан ч өдгөө олны танил бийлэгжүү хатагтайн бэр болоод нам гүм амьдралыг эрхэмлэж буй. 
Тэрбээр амаржаад удаагүй ч хэвийн жиндээ орсон бөгөөд инстаграмм дахь дагагчдынхаа тоог эрс өсгөөд амжжээ.
