Уран нугаралт нь урлагийн нэгэн гайхалтай төрөл бөгөөд Монгол бахархлын нэг билээ. Багаасаа хатуу чанга дэглэмийн дор суралцаж, уян хатан бие, үзэсгэлэнт төрхөө дэлхийн олон оронд гайхуулж яваа олон залуус бий.
Тэдний нэг болох дэлхийн уран нугаралтын чиглэлээр чансаагаараа тэргүүлдэг Э.Лхагва-Очирыг танихгүй хүн ховор биз ээ. Манай сайтын папарацийн дуран энэ удаад “халуухан” тодотголтой энэхүү уран нугараач залууг онцолж байна.
Өвөрмөц дүр төрх, уйгагүй хөдөлмөрөөрөө Монголын циркийн бахархад болсон тэрээр уран нугараачаас тамирчин болж, огцом өөрчлөлт хийж чадсан гэдгээрээ онцлогтой.
Түүний ялдам төрх, булчинлаг биеэнд “нүдээ унагаад” байдаг бүсгүйчүүд минь, тэр хэдий 29 настай ч аль хэдийнэ хүний хань, бяцхан үрсийн аав болсон гэсэн шүү.
Сонирхуулахад, тэрбээр Эх үрсийн баяраар тоглогдох “Циркийн ертөнцөөр троллууд” шоу тоглолтод оролцож хүн аалзын дүрийг бүтээх аж. Хөвгүүдийн хүсэмжит дүр болж буй тэрбээр энэ цагаас эхлээд хүүхдүүдийн шүтээн болох нь ойлгомжтой. Гурван өдөр тоглогдох тус тоглолтыг гэр бүлээрээ үзвэл илүү тохиромжтой шүү.
