Ардчилсан намын гишүүд, төлөөлөгчид өнгөрсөн бямба гаригт Соёлын төв өргөөнд XIV Их хурлаа хийсэн. Энэ үеэр АН-ын дарга С.Эрдэнэтэй үзэл бодол зөрөлдсөн иргэн Д.Алтанхуяг тайзан дээр гарч түүний биед халдсан юм.
Иймд хэргийг шалгах ажил ямар шатанд яваа талаар Цагдаагийн ерөнхий газрын Хэвлэл мэдээллийн төлөөлөгч Б.Дэлгэрхангай хэвлэлд мэдээллэл өгөв.
Тэрээр “Хэрэг амралтын өдөр болсон тул шүүхийн зөвшөөрлөөр саатуулах эрх ирээгүй. Гэвч цагдаагийн байгууллагаас гэмт хэрэг үйлдэж болзошгүй гэж үзсэн этгээдээ 48 цаг баривчлах эрхтэй байдаг. Энэ хүрээнд иргэн Д.Алтанхуягийг саатуулж байна. Өнөөдөр цагдаагаас үргэлжлүүлэн саатуулах саналаа шүүхийн байгууллагад хүргүүлж байна. Үргэлжлүүлэн хорих эсэх шийдвэрийг шүүх гаргана.
Тухайн этгээдийн С.Эрдэнийн биед халдсан талбар орчмоос хутга илэрсэн ч стеакны хутга байсан. Гэхдээ ялгаагүй мэс гэдэг ангилалд багтаж байгаа” гэжээ.
