Чингэлтэй дүүргийн Соёлын төвийн даргын үүргийг гүйцэтгэж яваа МУГЖ, дуучин У.Далантай ховорхон авьяастай нэгэн. 
Нийтийн дуугаар олонд танигдсан тэрбээр ардын болон богиныг дууг тун сайхан дуулдаг. Гэвч үнэндээ түүний үндсэн мэргэжил нь дуурийн дуучин. Мэргэжлээрээ олон улсын тэмцээнээс анхны гранприйг эх орондоо авчирч байсан түүнийг манай папараци дуран онцолж байна.
Урлагийн ертөнцөд өөрийн авьяас билгээрээ тодорч байсан тэрбээр өдгөө Баяр наадмын бэлтгэл хийгээд тун завгүй гүйнэ. Түүний хувьд 1992-2001 Улсын ардын дуу бүжгийн чуулгын гоцлол дуучин, 2001-2009 Дуурь бүжгийн эрдмийн театрын гоцлол дуучин, 2009-2012 Соёлын төв өргөөний гоцлол дуучин, 2012-2019 Уран бүтээлчдийн “Очирваань” холбооны Гүйцэтгэх захирал, 2019-2020 “Нийтийн дуучдын нэгдсэн холбоо”-ны тэргүүн гэх албыг тус тус хашиж байсан.
Урлагийнхан Усны-Эхийн Далантай гавьяатыг задгай авьяастай, залгуулах өвтэй нэгэн хэмээн ихээхэн хүндэтгэдэг.
