Нар хур тэгширсэн энэ сайхан өдөр Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадам тохиож байна.
Монголын түүх, бахархалт өв соёл, тусгаар тогтнолын бэлгэдэл болсон Монгол наадам Есөн хөлт цагаан тугаа наадмын хоймортоо залж, ерөөлийн түмэн үгээр баярын сэтгэгдлээ зурахад хүчит бөхчүүдийн мэх уран, шандаст хүлгүүдийн хурд тавиу, цэцэн магнай харваачдын сум мэргэн, шагайн мэргэн харваачдын маань хараа хурц, оноо мэргэн, уухай цээл байж наадам албан ёсоор эхэлдэг билээ.
Хүннү гүрнээс эх түүх нь бичигдэж, Их Монгол Улсын мандан бадралын сүр хүчийг зарлан тунхаглаж байсан Монгол наадмаа улам бүр өрнүүн дэлгэр, ёслол төгөлдөр тэмдэглэх болсон нь эх орноо, өв соёлоо, тусгаар тогтнолоо эрхэмлэн дээдэлж, таниулан сурталчлах мөн чанар, чин хүсэл монгол хүн бүрийн зүрх сэтгэл, оюун бодолд оршиж байсны, оршин буйн илэрхийлэл юм.
Монгол хүн гэдгээрээ, эх хэл, түүх соёл, өв уламжлалаараа бахархаж, эв нэгдэлтэй, өрнүүн дэлгэр сайхан наадаарай.
www.Tac.mn сайтын хамт олон
