Соёлын сайд Ч.Номингийн нөхөр Г.Бат-Эрдэнэ нэр нөлөөгөөрөө эхнэрийнхээ дор явдагт ихээхэн бухимдалтай явдаг гэнэ лээ. Ямар сайндаа л, “нэр мэр ч байхгүй, зүгээр л Номингийн нөхөр болчихдог наасан” хэмээн хувийн цахим хуудаснаа бичиж байв.
Эр хүн л болсон хойно өөрийн гэсэн үнэлэмж, бардамналтай байхыг хүссэн биз. Гэвч түүнд тийм хувь заяа одоогоор үгүй бололтой. Наадмын нээлтийн үеэр эхнэрээ даган ажилд нь туслаад гүйж байхыг манай папараци дуран дуранджээ.
Г.Бат-Эрдэнэ, Ч.Номин нар дунд сургуулийн ширээнээс үерхэж, их сургууль суралцах үеэсээ хамтран амьдарч эхэлсэн гэдэг. Тэд одоогоос 10-аад жилийн өмнө Тэрэлжид хөрөнгө хаясан цуутай хурим хийж, ихэр хөвгүүдээ анх олны өмнө гаргаж байв. Харин бага хүүдээ зориулж “5 настнуудын нууцлаг ертөнц” гэх шоуг хийн, хүүгээ бусдаас онцгой гэдгийг баталж, телевизээрээ олны хүртээл болгож байсан.
