Фантастик продакшны гишүүн Э.Алдар оюутан байхаасаа л “Boom town” хамтлагийн гишүүн гэгдэж охид бүсгүйчүүдийн анхаарлын төвд байсаар ирсэн.
“Чи ингэдэг үү, чи тэгдэг үү. Энэ юу гэсэн үг билээ. Чи дахиад хэлж өгч болох уу” гээд л гайхамшигт жижигхэн хүмүүсийн ая эвийг олж, уйлчихсан, уурлачихсан, гомдчихсон, айсандаа юу ч дуугарч чадахгүй сандарчихсан тэднийг тайвшруулж, инээлгэж, яриулж чаддаг шидтэй гэдгээ “Гайхамшигт жижигхэн хүмүүс” шоугаараа гайхуулж чадсан хөтлөгч, жүжигчин Э.Алдарыг манай сайт папараци дурандаа онцолж байна.
Түүний хувьд продакшныхоо хамгийн хүүхэрхүү, гэнэн цайлган, эмо нэгэн гэдгээрээ алдартай. Найзууддаа гомдохоороо бүгдээс нь холбоогоо тасалж чаддаг тэрбээр мэргэжлийн тал дээрээ сайн жүжигчин.
Дэлгэцийн урлагтай “нөхөрлөх”-өөсөө өмнө хошин урлагийн “Маск” хамтлагт нэлээд хэдэн жил ажиллаж, туршлага хуримтлуулж явсан түүхтэй. Тэрбээр ирэх есдүгээр сарын 9-нд нээлтээ хийх “Фантастик” хамтлагийн шинэ уран бүтээл “ЗУРА-2” уран сайхны кинонд тогложээ. Чухам ямар дүр бүтээснийг удахгүй нээлтээ хийх тус киноноос олж үзэх боломжтой аж.
