Нуухыг нь авах гээд нүдийг нь сохлов гэгчээр Төрийн ордонд зохион байгуулагдаж буй эдийн засагт эмэгтэйчүүдийн оролцоо хэр байгааг өгүүлэх чуулга уулзалтад УИХ-ын гишүүн Д.Сарангэрэл тэргүүтэй эмэгтэйчүүдийг зохион байгуулагчид нь “үхүүлжээ”.
Учир нь тэнгэрт дэвшиж, өөд болсон хүний нэрийг тодотгож улаан өнгөөр дугуйлдаг билээ. Гэтэл тус чуулганд өөрсдийн бэлтгэсэн сэдвийн дагуу илтгэл тавих эмэгтэйчүүдийн нэрсийг ийнхүү дугуйлсан байна. 
Ийм энгийн зүйлийг мэдэхгүй “ёс суртахуунтай” хүмүүс Төрийн хэмжээний чуулга уулзалтыг зохион байгуулж байна гэдэг харамсалтай. 
Аливаа арга хэмжээний зочид, илтгэгчдээ онцолж тодруулмаар байвал, эхлээд наад захын бичгийн ёс зүй, мэдлэгтэй болох хэрэгтэй болов уу.
