U film-ийн захирал, сайн үйлсийн элч, авьяаслаг жүжигчин Г.Ундармаагийн төрсөн өдөр өнөөдөр тохиож байна. Тэрбээр энэ өдөр одоогоос дөчин найман жилийн өмнө Говь –Алтай аймгийн Есөнбулаг суманд хорвоод мэндэлжээ.
Г.Ундармаагийн ээж нь “Алтай” чуулгын бүжигчин байсан болохоор Г.Ундармаа урлагт дуртай болж, урлагийн замд эргэлт буцалтгүй орсон гэдэг. 1992 онд СУИС-ийг төгсөөд Эрдэнэт хотын театраас ажил амьдралын гараагаа эхэлснээс хойш урлагт үнэнчээр зүтгэж яваа жүжигчин Г.Ундармаадаа төрсөн өдрийн мэндийг хүргэж, урлагийн өндөр амжилтыг хүсэн ерөөе.Тэрээр цахим хуудаснаа “Төрсөн өдрөө даруухан чимээгүй байж байна гэж бодож унтаад өглөө сэрсэн гоё гоё мэндчилгээнүүд ирсэн байхаар нь хөөрөөд зураг оруулчихлаа . Тиймээээ өнөөдөр төрсөн өдөр минь. Үргэлж надад эрч хүч өгдөг та нартаа амжилт аз жаргал хүсье” гэжээ.
