Шүүхийн нээлттэй байдлыг хангаж, олон нийтийн шүүхэд итгэх итгэлийг сэргээх талаарх сургалт, уулзалтыг өнөөдөр Шүүхийн ерөнхий зөвлөлийн байранд зохион байгууллаа.
АНУ-ын давж заалдах шатны IV тойргийн шүүхийн шүүгч, Барын холбооны Хүний эрхийн төвийн даргалагч Жэймс Эндрю Уинн өөрийн шүүгчээр ажилласан 32 жилийн туршлага, шүүхийнхээ шүүх хуралдааны шийдвэрийг олон нийтэд танилцуулах, шүүхийн талаар мэдээлэл түгээх ерөнхий аргачлалаа Монголын шүүхийнхэнтэй хуваалцсан юм.
Энэхүү сургалтад Монгол Улсын анхан болон давж заалдах шатны нийт шүүхийн Тамгын газрын дарга, шүүхийн захиргааны ажилтнууд танхимаар болон биечлэн оролцож, туршлагаас нь судаллаа.
Уулзалт, сургалтыг Шүүхийн ерөнхий зөвлөл, Монголын шүүгчдийн холбоо, Улсын дээд шүүхийн дэргэдэх Шүүхийн сургалт, судалгаа, мэдээллийн хүрээлэн, Монгол дахь Америкийн элчин сайдын яамтай хамтран зохион байгуулав.
АНУ-ын шүүхийн олон нийттэй харилцах туршлагаас суралцлаа
Нийтэлсэн: Эрхэм админ
