Эдийн засгийн нөлөөллийн улмаас бүхий л хүнс, өргөн хэрэглээний барааны үнэ огцом нэмэгдээд буй. Энэ хэрээр иргэдийн худалдан авах боломж бололцоо муудаж буйг худалдаа эрхлэгчид хэлж байна.
Тэгвэл өнгөрсөн амралтын өдөр зарим нэр бүхий сүлжээ дэлгүүрүүд талхны лангуугаа хоосолж, иргэдэд талх худалдаалахгүй байна.
Учир мэдэх хүмүүсийн хэлж буйгаар, гурилын үнэ нэмэгдсэнтэй холбоотойгоор талхны үйлдвэрүүд дахин үнээ нэмэхээр зэхэж буй гэх.
Гэхдээ албаны хүмүүс энэ талаар одоогоор ямар нэгэн мэдэгдэл, тайлбар хийгээгүй байна.
Ямартаа ч, төр засгаас иргэдийн өргөн хэрэглээний барааны үнэ тариф дээр анхаарал тавихгүй бол, талхаа авч дийлэхгүй өрхийн тоо талхны үнэ шигээ дахин нэмэгдэх нь байна шүү.
