Гадаадын иргэн, харьяатын газар нь төрийн албаны бүтээмжийг дээшлүүлэх, төрийн үйлчилгээг цахимжуулах чиглэлээр үр дүнтэй ажиллаж, Төрийн албаны зөвлөлөөс “Бүтээмжит төрийн байгууллага”-аар шалгарсан юм.
Тус газрын дарга, хурандаа Н.Ууганбаяр нь Эрүүгийн цагдаагийн газар ажиллаж байсан тус, өөрийн багагүй туршлагаа ГИХГ-т нэвтрүүлснээр ийнхүү байгууллагаа бүтээмжийн эзэн болгоход нөлөөлсөн биз ээ.
Тэрбээр тус газрыг удирдснаасаа хойш нийт 30 гаруй төрлийн үйлчилгээнээс 15 төрлийн үйлчилгээ бүрэн цахимжуулж, нийт 38 мянга гаруй иргэнд цахимаар үйлчилгээ үзүүлжээ.
Ингэснээр иргэд үйлчилгээ авахын тулд хамгийн багадаа 6-7 удаа өөрийн биеэр ГИХГ-т ирдэг байсныг халж, иргэдийн цаг хугацаа, санхүүгийн зардлыг бодитойгоор хэмнэх боломжийг бүрдүүлсэн байна.
Түүнчлэн төрийн үйлчилгээний шат дамжлагыг багасгаж, олон улсын жишигт дүйцсэн чанартай ажил, үйлчилгээг иргэдэд нээлттэй, ил тод, шуурхай хүргэхээр шат дараатай ажлыг бодитоор зохион байгуулж эхэлсэн байна.
