УИХ-ын өнөөдрийн /2022.10.20/ чуулганы нэгдсэн хуралдаан үргэлжилж байна.
УИХ-ын гишүүн Х.Булгантуяа : Шүгэл үлээгч нь эцсийн эцэст явсаар байгаад шүүхийн байгууллагад очих юм билээ. Гэтэл шүүх шударга байж чадаж байгаа эсэх нь эргэлзээтэй. 
Сүүлийн үед төрийн нууц нэмэгдээд хувь хүний нууц хасагдаж ирсэн. Сүүлдээ хувь хүний нууц гэж байхаа больчихсон. Сая хүүхэд мөргөдөг эмэгтэй санаатайгаар хийгээгүй л байх. Гэтэл цахим сүлжээгээр нэг шүүж, яллаж байна. Яг үүн шиг шүгэл үлээсэн хүний ойр тойрныхон, гэр бүлийнхэн хамтдаа хохирох юм биш биз дээ. Тэр шүгэл үлээсэн хүний зураг хөргийг цахим сүлжээнд тавьж, яллачих юм биш биз дээ” хэмээн байр сууриа илэрхийлэв.
