Г.Сайханбаяр сайд 2024 онд Архангай аймгаас их хуралд нэр дэвших бэлтгэлээ эртнээс хийж байна

Батлан хамгаалахын сайд Г.Сайханбаяр 2024 онд улстөрд хүч үзэхээр эртнээс бэлтгэл ажлаа хийж, нутгийнхандаа таалагдаж танигдах аргаа олжээ. Г.Сайханбаяр нь Архангай аймгийн Хотонт сумын уугуул бөгөөд төрсөн нутгаасаа их хуралд нэр дэвших эртний бодол санаа мөрөөдлөө ийнхүү биелүүлж эхэлжээ. Тэрбээр өөрийнхөө удирддаг салбарын эмч нарыг бүрэн бүрэлдэхүүнээр нь хөдөлгөж чаджээ. Тодруулбал, Цэргийн төв эмнэлгийн хөдөлгөөнт амбулатори Архангай аймагт 3 сар ажиллажээ. Хэдэн эмч нараа гадаа гандааж хөдөө хөхрөөж үүрэг даалгавар ар гэрийг нь умартан мартуултал ажиллуулсан сайд Г.Сайханбаярын хүсэл мөрөөдөл 2024 оны зун биелэх эсэхийг цаг хугацаа л харуулна даа.