Сэлэнгэ аймгийн Алтанбулаг сум дахь Чөлөөт бүсээс их хэмжээний архи, согтууруулах ундаа нэвтрүүлсэн хэрэгт гаалийн байцаагч холбогдсон талаар бид өмнө нь мэдээлж байсан. Уг хэргийг АТГ-ын мөрдөгчид шалгаж дуусжээ.
Улаанбаатар хотод оршин суудаг иргэн С.Үүртуяа тарифийн болон тарифийн бус хязгаарлалт тогтоосон 264 шил архи, согтууруулах ундааг, энэ оны нэгдүгээр сарын 11-нд нэвтрүүлсэн бөгөөд уг хэрэгт нь Алтанбулаг боомтын гаалийн улсын ахлах байцаагч О.Отгонбаярыг хамт яллагдагчаар татсан юм. Тэрбээр Гаалийн тухай хуулийн 274 дүгээр зүйлд заасан “гаалийн хууль тогтоомж зөрчсөн захиргааны зөрчилд хуульд заасны дагуу хариуцлага хүлээлгэх” үүргээ хэрэгжүүлэлгүй дээрх иргэнд давуу байдал бий болгосон хэрэгт холбогдсон билээ.
О.Отгонбаярыг хойшлуулшгүй ажиллагааны хүрээнд Сэлэнгэ аймаг дахь Шүүхийн шийдвэр гүйцэтгэх газрын Цагдан хорих байранд 48 цагийн хугацаатай албадан саатуулж, улмаар яллагдагчаар татан үргэлжлүүлэн цагдан хорих санал тус аймаг дахь Сум дундын Эрүүгийн хэргийн анхан шатны шүүхэд хүргүүлж байв. Гэвч тус шүүхийн шүүх нь уг саналыг хүлээж аваагүй билээ.
1 сэтгэгдэл
Сайн шалгах хэрэгтэй! Ахлах байцаагч Отгонбаяр нь өмнөх хэргээрээ ГЕГ-т шалгагдаж байхад нь МАН гинсек Амарбаясгалан нь ГЕГ-н дарга Асралтад нөлөөлж гаалийн улсын ахлах байцаагч болгосон. Амарбаясгалангын ангийн хүүхэд!!! Нөхөр нь мөн Сэлэнгэ дахь гаалийн газарт гаалийн байцаагч бөгөөд зохион байгуулалттай мафын бүлэглэл болсон хүмүүс!!!