Гурван ихэр төрүүлсэн нийтийн дуучин Давка өнөөдөр эхийн алдар одонгоо хүртэв

Өнгөрсөн 2021 онд Эх хүүхдийн эрүүл мэндийн үндэсний төвд өнөөдөр гурван ихэр хүүхэд мэндэлсэн билээ. Тодруулбал, нийтийн дуучин Давка буюу Э.Алтанхундага нарын гэрт бурхны бэлэг болох гурван ихэр үр ирсэн. Хоёр нь хүү нэг нь охин. Тэгвэл ихрүүд нэг нас хүрч, ээж нь өнөөдөр Төрийн тэргүүнээс эхийн алдар 2 дугаар одонгоо гардан авчээ. Түүний баярт агшныг нь хуваалцахаар дуучин найзууд нь болох П.Жимсээ, А.Түмэн-Өлзий, Ж.Хишигдэлгэр, жүжигчин Сөрөлтийн эхнэр, дуучин Отгончимэг нар талбай дээр иржээ.
Дөрвөн хүүхдийн ээж Давка “Өнөөдөр ёстой гоё сайхан агшин болж байна. Миний амьдрал цэцэглэсээр. Ижий аав хань ижил 4 сайхан үрстэйгээ олон жил сайхан бүхнийг хамтдаа үзнэ. Олонтой явах сайхан юм. Хамтдаа аз жаргалыг минь хуваалцсанд баярлалаа. Миний амьдрал өнгө нэмдэг бүхэнтэйгээ” гэжээ.
Харин ихрүүдийн аав Э.Алтанхундага “Миний хань надад хоёр хүү, нэг охин төрүүлж өгсөн. Ингээд манайх гэж айл дөрвөн хүүхэдтэй болсон. Миний хувьд анхны хүүхдүүд. Эхнэрийн хувьд хоёр дахь төрөлт. Би өөрөө Увс аймгийн Сагил сумын харьяат. Манай эхнэр Завхан аймгийн Сонгино сумын харьяат, дуучин эмэгтэй бий. Бид хоёр хоёлуаа хоёр талаасаа ихрийн удамтай. Манай аавын тал ихрийн удамтай. Миний сэтгэл маш их хөдөлсөн. Би зургаан хүүхэдтэй болохыг хүсдэг. Ингээд дөрвөн хүүхдийн аав боллоо. Анх бид хоёр сартайд нь гурван ихэр гэдгийг мэдсэн. Би эхнэрээсээ гурван ихэр гэдгийг мэдчихээд ажил дээрээ нэг өдөржин баярлаж хөөрч сүйд болсон шүү” гэж баярын сэтгэгдлээ хуваалцаж байжээ.