“Алтан цом”-ыг Архангайн бөхчүүд аархаж авах уу, эсвэл булганы бузгайначингууд авах уу

Ирэх долоо хоногийн бямба, ням гарагт буюу 06-р сарын 03, 04-ний өдрүүдэд Монголын үндэсний бөхийн холбооны “Алтан цом”-ын төлөөх шигшээ барилдааны сүүлийн тойргийн 4 барилдаан болж, Алтан цомын эздээ тодруулна.
Энэ удаад бооцоо өндөртэй Алтан цомын төлөөх барилдаанд бөхийн өлгий нутаг болох Архангай аймгийн хүчтэнүүд Булган аймгийн бузгай бусгаа барилдаантай Д.Амарсайхан тэргүүнтэй начингуудтай халз үзнэ. Бөх сонирхогчид болон бөхийн хорхойтнууд энэхүү барилдааныг тэсэн ядан хүлээж байгаа бөгөөд гал гарсан барилдаан болно гэдэгт итгэлтэй, хүлээлттэй байна. Яагаад гэвэл Архангай аймгаас Улсын арслан Р.Пүрэвдагва, өндөр харцага О.Мөнх-Эрдэнэ, Улсын гарьд М.Бадарч, аймгийн арслан Э.Мөнхжаргал, цэргийн арслан С.Сүхбат тэргүүтэй өндөр арал чяц сайтай барилдаанч хүчтэнүүд бий. Харин Булган аймгийн бузгаа зургаан начин бол маш сайн нягт барилдаанч биеийн хувьд ч ойролцоо хүчтэнүүд байгаа юм. Тодруулбал, улсын начин Д.Амарсайхан, Э.Сумъяабат, Б.Түмэндэмбэрэл, Д.Амаржаргал, Э.Түвшинтөгс, Х.Цогтгэрэл нарын бөхчүүд бий.
Олон нийтийн зүгээс Арын сайхан хангай нутгийн бөхчүүдийг аархаж, илүүрхэж Алтан цомоо авна гэсэн хүлээлт байна. Гэхдээ Булганы бие жижиг ч бэлчээр нь хол начингуудыг басаж болохгүй юм. Илүү барилдаан илүү хүч авхаалж самбаа сориод тэд цомын эзэд болохыг үгүйсгэхгүй юм. Ингээд зургадугаар сарын 3, 4-нд болох барилдааныг үзэх л дутуу байна.