Завханы С.Батсүх гэхээр танихгүй мэдэхгүй хүмүүс Монголд бараг ховор доо. 1990-ээд оноос нийтийн дууны ертөнцөд цахиур хагалсан С.Батсүх гавьяат жүжигчин цолтой удаан явсан. 
Харин хоёр жилийн өмнө түүнд Монгол Улсын Ерөнхийлөгч Ардын жүжигчин хэмээх нэр хүндтэй шагналыг өгсөн билээ. Ид залуу насандаа уран бүтээлээ хийхээс гадна хатуу дарстай нөхөрлөж явсан түүний хувьд хувийн амьдрал тийм ч дардан байгаагүй гэдэг.
Өөрөөр хэлбэл, гурван төрийн нүүр үзсэн гэдэг. Төрийн нүүр гэдэг нь эхнэрийн нүүр гэсэн үг. Харин хамгийн сүүлд С.Ренчинпагма гэх өөрөөсөө олон нас дүү эмэгтэйг сонгож удаан хамт амьдарч байгаа. Тэдний дундаас үр хүүхэд гэж гараагүй. 
Харин анхны эхнэрээсээ хоёр хүүтэй Ардын жүжигчин маань хоёр хүүгээ хөлийг нь дөрөөнд гарыг нь ганзганд хүргэж, амьдралд нь залгуулсан гэдэг. Айл гэр толгойлсон хоёр хүү нь аавтайгаа ойрхон байдаг ажээ.
Тэгвэл гурав хоногийн өмнө болсон АЖ-ний тоглолт дээр бага хүү Очирхуяг нь тайзан дээр гэнэтийн бэлэг барьжээ. Энэ талаар АЖ С.Батсүх “Хамгийн аз жаргалтай мөч баярлалаа хүүдээ. Миний бага хүү БАТСҮХИЙН ОЧИРХУЯГ аавынхаа “ЭЭЖ МИНЬ” дууг тайзны араас гэнэт гарч хамтран дуулж сэтгэлийн бэлэг барьсан нь тоглолтын хамгийн сонин маш гоё хэсэг байлаа. Алтан тайзнаа анх удаа хүүтэйгээ дуулсандаа аав хүн би жаргаж уйлж дууллаа, Хүслэн Очирхуяг, Батсүх гурав Ээж минь дууг дууллаа” гэжээ.
