”Миний ээж хөөрхөн”, “Амь нэгтэй аав охин”, “Жаргалтай явна хоёулаа”, “Шанз торгон аялгуу”, “Хайрлаж болохуу”, “Гоо марал”, зэрэг дууны шүлгийгбичиж, нийтийн дууны ертөнцөд өөрийн гэсэн өнгөтөрхийг бүтээсэн яруу найрагч бол Мягмарын Цэрэнтогтох билээ.
Сувилахуйн ухааны энэ эрхэм яруу найрагт урваж өдгөө олон түмний дуртай 200 гаруйдууны шүлэг бичиж олон нийтэд хүргэжээ.
Тэрээр өнгөрсөн хугацаанд туурвисан дууны уран бүтээлүүдээс түүвэрлэн “Миний 108 дуу” номоо өлгийдөн аваад байна. Уг номонд дуу төрсөн түүх, дууны нот, дууны үгийг крилл болон босоо монгол бичгээр бичжээ. 
Бор буйлстын дэнжээс эхэлсэн бодол, сэтгэлийн урсгал “Миний 108 дуу” номын нээлт энэ сарын 08-нд Этүгэн их сургуулийн 1-р байранд болохоор товлогджээ. Морин цагт эхлэх энэхүү дуун ботийн нээлтэнд та бүхнийг урьж байна.
