Монгол охидыг худалдаж, хүчирхийлсэн гэгдэж байсан Сингапурын иргэн Л-д оноосон хорих ялыг өөрчилж, 15 саяар торгожээ
Монгол эмэгтэйчүүдийг бэлгийн дарамтанд оруулж, улмаар хувь хүний нууцтай холбоотой дүрс бичлэг хийж айлган сүрдүүлж, гадаад улсад худалдаалдаг байж болзошгүй гэгдэж байсан 64 настай Сингапур улсын иргэн Лох Сиен Чи гэгчид анхан шатны Шүүхээс оноосон 1 жил 8 сарын хорих ялыг Давж заалдах шатны шүүх өөрчилжээ.
Нийслэлийн Эрүүгийн хэргийн давж заалдах шатны Шүүх хэргийг 2023 оны есдүгээр сарын 20-ны өдөр хянан хэлэлцээд анхан шатны шүүхийн шийтгэх тогтоолд өөрчлөлт оруулж, шүүгдэгчийн өмгөөлөгч нарын давж заалдах гомдлын заримыг хүлээн авч, шүүгдэгч Л-д 15.400.000 төгрөгөөр торгох ял болгон өөрчилж шийдвэрлэжээ.
