40 дэх удаагийн “Болор цом” наадамд “Ургийн мод” шүлгээрээ тэргүүлж, эгшиглэнт эхийн хишигт найрагчаар тодорсон эрхэм бол Монголын зохиолчдын эвлэлийн шагналт яруу найрагч Мягмарын Амархүү билээ.
Тоолоод үзвэл 21 жил энэ наадамд оролцсон тэрээр яруу найрагчаас гадна шаггүй зураач.
Тэрээр нэгэн ярилцлагандаа “Уран бүтээлч хүн сэтгэлийн хаттай байх хэрэгтэй. Шүүмж, магтаалыг ч ялгаж салгах нь чухал. Хүний хоосон магтаал их хэцүү. Харин зохиолч хүнд мэргэжлийн шүүмж их тус болдог. Мөн миний бодлоор уран бүтээлч хүн магтаалыг 30 хувь, шүүмжийг 70 хувь хүлээж авах ёстой гэж бодогддог юм. Энэ харьцуулалтын үр дүнд л сайн уран бүтээл төрнө. Харин шүүмж, магтаалын байр солигдвол хийсэн зүйлдээ ханаад цааш хөгжихгүй. Мөн ханаж цадсан зан уран бүтээлч хүнд байх ёсгүй. Мөнхийн л хийж бүтээх хүсэлтэй байх хэрэгтэй. Өдөр бүхэн шинэ зүйл хийхийн төлөө зорих нь зөв.” гэсэн байдаг.
Б.Мөнхжаргал
