Монгол Улсын Их Хурал, Засгийн газрын гишүүн, Хууль зүй, дотоод хэргийн сайд Б.Энхбаяр цагдаа, дотоодын цэргийн анги, байгууллагын удирдах алба хаагчидтай өнөөдөр /2023.10.07/ уулзалт хийлээ. Энэхүү уулзалтад цагдаа, дотоодын цэргийн анги, байгууллагын 503 удирдах албан тушаалтан танхимаар болон цахимаар оролцов.
Харин уг уулзалтад Д.Сумъяабазарыг Нийслэлийн Засаг даргаар ажиллаж байхад нь ахлах зөвлөхөөр нь ажиллаж байсан хуульч Дэмбэрэлцэрэнгийн Мөнх-Эрдэнэ оролцсон нь олон нийтийн анхаарлыг татсан юм. Тодруулбал, Д.Сумъяабазарыг Нийслэлийн Засаг даргын ажлаа өгөхтэй зэрэгцэн ажлаа өгсөн Д.Мөнх-Эрдэнэ мөн ажлаа өгсөн бөгөөд тэрбээр өнөөдөр Хууль зүй дотоод хэргийн шинэ сайдад зөвлөхөөр ажиллаж байгаа бололтой.
Д.Мөнх-Эрдэнэ асуудал дагуулсан ногоон автобусыг “шинэ, сайн” гэх агууллага бүхий зүйл өмөөрч явсан юм. Харин цагдаагийн байгууллага асуудал дагуулсан ногоон автобусны хэрэгт хамаатай байж болзошгүй хүнээс зөвлөгөө дэмжлэг авах хэмжээнд хүрсэн гэхээр таагүй.
Үнэндээ ийм таагүй байдал үүсгэж байгаа хүн нь ХЗДХ-ийн шинэ сайд Б.Энхбаяр юм. Ажилгүй болсон хүнээр орон тоо бөглөсөн нь ийнхүү олон нийтийн эгдүүцэл, таагүй байдлыг үүсгэсэн гэж хэлж болно.
