“Шанз торгон аялгуунд сэтгэл хоргодоод байна уу даа
Шанх дэгжин гоёл чинь харц булаагаад байна даа хө
Ханагар өргөн цээжинд чинь хацраа наагаад эрхэлмээр
Хатан дээд ухаанаар хайраа залаад ханилмаар”… энэ дууг монголын ард түмэн ардын дуу мэт аялан дуулсаар нилээдгүй хугацааг өнгөрөөжээ. Дуучин Б.Алтанжаргал, Э.Чулуунчимэг нарын хамтран дуулсан уг уран бүтээлийн шүлгийг бичсэн эрхэмийг Дууны яруу найрагч М.Цэрэнтогтох гэнэ.
Тэрээр монголын ард түмний аманд чихэр мэт хүлхэгдэж, чихэнд ээмэг мэт зүүгдсэн олон уран бүтээлүүдийг туурвижээ. “Жаргалтай явна хоёулаа”, “Миний ээж хөөрхөн”, “Эрчүүд”, “Хувирашгүй” зэрэг дуунуудын шүлгийг бичжээ.
Бор буйлстын дэнжээс эхэлсэн бодол, сэтгэлийн урсгалаа үзэгч олноо хүргэхээр тоглолтын товоо зарлажээ. Гурав дахь бие даасан тоглолтоо тэрээр “Шанз торгон аялгуу” нэртэйгээр арваннэгдүгээр сарын 02-ны 19:00 цагт Монгол бөхийн өргөөнд хийхээр болжээ. Тоглолтонд энэ цагийн нийтийн дууг өнгөлж яваа эрхэм уран бүтээлчид оролцох гэнэ.
Тоглолтын тасалбарыг ticket.mn-ээс худалдан авах боломжтой гэнэ.
