Монголын утга зохиолын ертөнцөд өөрийн гэсэн байр сууриа эзлэж яваа яруу найрагчдын нэг бол Г.Сэр-Одын болон МЗЭ-ийн шагналт яруу найрагч Нямжаргалын Минжинсайхан юм.
Тэрээр дөрвөн улирлаар нэрлэсэн дөрвөн шүлгийн ном гаргахаар зэхэн 2017 онд “Усанд хөвсөн намар”, 2021 онд “Араг үүрсэн хавар”, сүүлд “Чамд хадгалсан зун” номоо уншигч олноо өргөн барьсан.
Утга төгс, уран яруу шүлэгүүдээрээ салбартаа үнэлэгддэг тэрээр уран бүтээлийн анхны тоглолтоо хийхээр догдлонхон буй гэнэ. Анх шүлэг бичиж эхэлснээс хойш 23 жил, анхны дуугаа тосож авснаас хойш 15 жил өнгөрсөн тэрээр анхны тоглолтоо “Сэтгэл чамайг таньсан ч билүү” дуугаараа нэрлэжээ.
Эрхэм найрагчийн тоглолт 11-р сарын 24-нд Улаанбаатар паласын их танхимд болох гэнэ. Хайртай бүхэнтэйгээ халиган баярлах, хамтдаа дуулах нэгэн үдэшт таныг урьж байна.
