Монголын загварын ертөнцөд чансаа өндөр загвар зохион бүтээгч бол Кадр брэндийг үүсгэн байгуулагч Кадр буюу Б.Энхбаатар юм. Тэрээр “Kadr FW2024” шоугаа толиуллаа. Түүний шоунд уригдсан зочид, оролцож буй загвар өмсөгчид, түүний бүтээсэн загварууд түүнийг хэр мэдрэмжтэй дизайнер болохыг харуулсан гэхэд хилсдэхгүй.
“Kadr FW2024” шоуны чимэгт реппер Wolfizm, хийлч Б.Дэлгэрцэцэг нар өөрсдийн уран бүтээлээр бэлэг барьсан нь тэнд хуран цугларсан олныг баясгав. Нүд, сэтгэл баяссан нэгэн үдшийг Кадр бэлэглэлээ. Уг шоуг үзэж сонирхохоор түүний урилгыг урлаг соёлын одууд, загварын ертөнцийнхэн, топ моделиуд цугларчээ.
Түүний загварыг 2024 оны намар өвлийн коллекцийн шоунд шинэ дүрх төрх шалгаруулах кастингаас шалгарсан моделууд өмсөж амилуулав. Загварын үзүүлбэрийг Монгол Улсаас анх удаа азидаа төдийгүй дэлхий дахинд алдартай “Asia’s next top model” тэмцээнд оролцсон загвар өмсөгч С.Төгс эхлүүлж, нэг хэсэг чимээгүйхэн байсан У.Лаура тайзнаа алхаж олны нүдийг хужирлав.
Загвар болгон нь шинэлэг, өнгөлөг байдаг Кадр өөрийн бүтээлтэй хамт монголын загварын ирээдүйг тодорхойлох моделуудыг “Kadr FW2024” шоугаараа гаргаж ирж байна.
