Буриад ардын дуу “Хадны оройгоор” бол гунигийн дуу. Тэр ч утгаараа баяр ёслолд тэр бүр дуулаад байдаггүй. Их хэлмэгдүүлэлтийн үед буриад айл бүр аав, ах, эрэгтэй дүүгээ алдаж, эрх хүнгүй болтлоо будуулж байсан түүхтэй. Чухам энэ үед л Хэнтий эсвэл Дорнод аймагт энэхүү “Хадны оройгоор” хэмээх гуниг харууслын дуу мэндэлж байсан бөгөөд зохиогч нь тодорхойгүй байдаг.
Тиймдээ ч уг дууг үеийн үед мартахгүй дуулсаар өнөөдрийг хүрсэн бөгөөд гол нь огт баяр наадамд дуулахгүй байсаар ирсэн түүхтэй.
Эртнээсээ өнөөдрийг хүртэл ирсэн уран бүтээлийг залуу уран бүтээлчид шинэчлэн дуулдаг ч зарим нь сайжруулах гэхээсээ муу дуулж, шүүмжлэлд өртдөг билээ. Энэ удаагийн шүүмжлэлийг А.Хишигдалай дахин дагуулав.
Тэрбээр гуниг, харуусал, гансралын дууг янаглан, гийнаж гонгонож дуулсан нь Буриадуудын зэвүү дургүйг хүргэж шүүмжлэлд өртөөд байна.
Мөн тэрбээр “Хадны оройгоор” дууг дуулахдаа буриад аялгаар дуулж байгаа нь энэ гээд буруу дуулсан нь шүүмжлэлд бүүр их өртөж байна.
Мэдээж дуучин хүн буриад дуу дуулж бололгүй л яахав, гэхдээ буриад дууг яг тэр аялгаар нь дуулахгүй бол амин сүнсгүй болдгийг А.Хишигдалай харуулав.
Хэдийгээр Монгол үндэстэн дор нэгддэг ч гэлээ ястан бүрийн онцлог, өв соёл, хэл аялга, зан заншилд хүндэтгэлтэй хандах ёстойг орчин цагт бүх хүн мэддэг.
Харин А.Хишигдалай мэтийн уншиж судлаагүй, буруу аялгаар дуулсан зэргээс болж ястан хооронд, цаашлаад үндэстэн дотроо ямар гай авч ирэхийг тааварлашгүй. Тиймээс уран бүтээлчид та бүхэн уншиж, судлан түүх өв соёлд хүндэтгэлтэй хандаж байна уу.
