“Баавгай болохсон” кино маргааш нээлтээ хийнэ

Найруулагч П.Золжаргалын “Баавгай болохсон” уран сайхны кино олон улсын кино наадмаас шагнал хүртсээр байгаа билээ. Хавайн олон улсын кино наадмын “Нэтпак” холбооны нэрэмжит шагнал, “Лугано” хүний эрхийн кино наадмын үзэгчдийн нэрэмжит шагналын эзэн болсон байна. Киноны уран бүтээлчид энэ жилийн 15 дахь удаагийн “Улаанбаатар” олон улсын кино наадмын монгол кино үзвэрийн шилдгийн шилдгийг шалгаруулах “Хангарьд” шагнал гардуулах ёслолд нэр дэвшиж, “Шилдэг найруулагч” болон “Шилдэг зураглаач”, “Шилдэг эвлүүлэгч” гэсэн гурван номинацийн эздээр шалгарсан юм. Мөн дэлхийн А зэрэглэлийн хамгийн том кино наадам болох Францын Каннын кино наадамд монгол найруулагч П.Золжаргалын “Баавгай болохсон” кино өнгөрсөн дөрөвдүгээр сард албан ёсоор сонгогдож, Франц улсыг зориод ирсэн билээ. Тэгвэл “Баавгай болохсон” киномонгол дахь нээлтээ маргааш хийх гэнэ.