Урлагийн гэр бүлд өсч хүмүүжсэн хүүхдүүд урлагийн хүн болох хандлага түгээмэл байдаг. Түүний нэг жишээ бол найруулагч Г.Цоггэрэл, МУГЖ У.Уранчимэг нарын ганц охин Ц.Анударь билээ. 
Аав ээжийн авъяасыг өвлөж үргэлжлүүлж ээжийн үнэнч туслах болж “Хувьсал” продакшны бүхий л ажлыг хариуцах болсон тэрээр өөрийн анхны номоо “Догдолсон л юм чинь битгий харамс” нэртэйгээр гаргасан.
Түүний анхны ном гадаадын номыг хуулбарласан, “Соёл урлагийг дэмжих сан”-гаар санхүүжсэн хэмээн олны талархалаас илүү шүүмжлэлийг хүлээсэн. Гэвч тэр шантарсангүй. Хоёр дахь номын нээлтээ ирэх сард хийх товоо гаргаж олон дагагч нартай ах эгч нараараа рекламдуулж эхэлжээ. Түүний шинэ ном “Зүрхээ сонсдог тархи” нэртэй гэнэ.
