Нийслэлд хэрэгжүүлэх дүүжин тээврийн төслийн барилга угсралтын ажил эхлэх гэж байна. Дүүжин тээврийн өмнөд буудал нь Яармаг, хойд буудал нь Хархорин байх бөгөөд Туул гол, Трансмонголын төмөр замын дээгүүр явах гэнэ.
Дүүжин тээвэр нь 4,2 км замыг 11 минутад туулах, нэг талдаа 2500 зорчигч тээвэрлэх хүчин чадалтай байна. Нэг бүхээгт 10 зорчигч байх бөгөөд суудал нь халдаг, үзэгдэх орчин сайтай, маш чимээгүй, тухтай, цахилгаан тасрах зэрэг бусад нөхцөл байдалд зорчигчдыг хэрхэн буулгах талаар бүх асуудлыг төлөвлөсөн гэв.
Судалгааг үндэслэн уг төслийг зөвхөн Улаанбаатарын нөхцөлд тохируулж хийсэн гэж Францын “Пома” компанийн төслийн менежер хэллээ.
Дүүжин тээврийн угсралтын ажлыг энэ онд эхэлж, 2025 оны 12 дугаар сар гэхэд хүмүүсийг тээвэрлэж эхлэх гэнэ.
