Монгол Улсын соёлын гавьяат зүтгэлтэн, МЗЭ-ийн болон “Алтан-Өд” шагналт орчуулагч, яруу найрагч Жигжидсүрэнгийн Нэргүй гэгч энэ эрхэм Орос, Америк, Польш, Итали, Герман, Францын зохиолч, яруу найрагч, нийтлэлч, сэтгэгчдийн гуч гаруй томоохон бүтээлийг монгол хэлнээ утга төгөлдөр, уянга яруу хөрвүүлэгч билээ.
…”Хүнд чинь хайрын хэл гэж нэг юм байдаг юм” хэмээн нэгэн ярилцлагандаа дурьдсан тэрээр нэг хэсэг бие нь чилээрхсэн ч олны дэмээр эрүүл саруул болж номын баярын өдрөө төв талбайдаа тухлан суугаа нь манай дуранд ийнхүү буужээ.
Түүний Анхны шүлэг нь “Үнэн” сонинд хэвлэгдэж байсан ба “Цог” сэтгүүлийн №4-ийн “Оч” буланд шүлгүүд нь нийтлэгдсэн. Монголын урдаа барьдаг орчуулагч, зохиолч хос морьтой эрхэм юм.
