Төрийн албаны зөвлөл нь төрийн албаны төв байгууллага бөгөөд хамтын удирдлагын зарчмаар ажиллаж, төрийн албан хаагчийн стандартын удирдлагыг улсын хэмжээнд нэгдсэн аргачлалаар хангах, хэрэгжүүлэх ажлыг эрхэлдэг, үйл ажиллагаагаа Улсын Их Хуралд тайлагнадаг хараат бус, бие даасан байгууллага юм.
Үндсэндээ төрийн албаны шалгалтыг зохион байгуулахын албаны шалгалтыг төрийн байгууллагуудад хийдэг. Мөн тухайлсан албан тушаалд ямар шаардлага тавигдах ёстойг баталдаг, сонгон шалгаруулалт хийх зэрэг ажлыг хийдэг байгууллага гэж ойлгож болно.
Гэвч тус байгууллага сүүлийн үед шүдгүй арслан мэт хүчгүйдэж төрийн албаны зөвлөлийн хийдэг үйл ажиллагаагаа нэг нэгээр нь бусад төрийн байгууллагад “хураалгаж” байгаа.
Тухайлбал, Төрийн албаны зөвлөл саяхныг хүртэл төрийн байгууллагын бүтцэд санал өгдөг байв. Гэвч энэ эрх мэдлийг хассан. Ингэснээр төрийн байгууллага дур зоргоороо бүтцээ зурдаг болж төрийн нэгдсэн бодлого алдагдсан. Үүнд нь хяналт тавих боломжгүй бол төрийн алба чадамжгүй болох зэрэг олон сөрөг үр дагавартай болсон.
Төрийн албаны зөвлөлийг хүчгүйдүүлэх ажлыг “хуулийн хулгай” хийх замаар үйлдсэн байдаг. Тодруулбал, Төрийн албаны тухай хууль 2019 оны нэгдүгээр сарын нэгнээс хойш 28 удаа өөрчлөгдсөн байх юм. Эдгээр өөрчлөлт дунд ТАЗ-ийн нэг ажлыг нь үгүй хийсэн. Тодруулбал, Төрийн албаны тухай хуулийн
64.2.3.төрийн захиргааны байгууллагын тогтолцоо, бүтцийн ерөнхий бүдүүвчийг боловсруулан батлахад төрийн албаны төв байгууллагын саналыг авах; (эх сурвалж https://www.legalinfo.mn/mn/detail/13025) гэх заалтыг хассан байгааг та бүхэн харж болно.
Үүнийг эсэргүүцэн дуугарах ёстой төрийн алба хаагчид нь өнөөдөр ус балгасан мэт дуугүй байгаа нь ТАЗ-ийн занаанд орохоос айдагтай шууд холбоотой. Үүний оронд дуугүй байгаад өөртөө ашигтай байдлаар асуудлыг шийдэх нь дээр гэж үздэг. Үүнийг энгийнээр тайлбарлавал, төрийн албан хаагч өөрийн саналаар ажлаа өгсөн тохиолдолд төрийн нөөцөд хугацаагүй орж байгаа. Улмаар таван хүртэл сарын цалинтай тэнцэхүйц хэмжээний тэтгэмж авч ажлаасаа гарч наймаалцаж байгаа юм.
“Хуулийн хулгай”-гаар дээрх заалтыг Төрийн албаны тухай хуулиас авснаас болж өнөөдөр төрийн халаа сэлгээ, шилжилт хөдөлгөөн гаарч бүх төрийн байгууллага бүрэн бүтцээрээ ажиллаж чадахгүй болж байна. Нам дагаж явсан цүнхчин нөхөр хурган дарга болоод өөртөө таалагдсан хүнийг томилдог болж байна. Ингэснээр төрийн залгамж халаа, төрийн хар хайрцгийн бодлого алдагдаж байгааг бид онцоллоо. Бид дараагийн удаад Төрийн албаны зөвлөл ажлаа хэрхэн “халтуурдаж” байгааг хүргэх болно.
Бэлтгэсэн А.Баярмаа
Холбоотой нийтлэл
ТАЗ-ийн дарга, гишүүд хоёр газраас давхар цалин авч байна https://www.tac.mn/article/146938
