Улаанбаатар хотын ногоон байгууламжийг нэмэгдүүлэх чиглэлээр 15 нэр зүйлийн 1.5 сая орчим цэцэг тарихаар төлөвлөсөн. Өнөөдрийн байдлаар мандарваа, хун цэцэг, хилэн цэцэг, алаг нүдэн, мандарваа, халгана, астра, бербиния, энхэлгэнэ, хумсан гэх мэт 15 төрлийн 1.2 сая цэцгийг тариад байна. Мөн 3D хэмжээст 28 цэцэгт байгууламжийг байгуулаад байна.
Харин Чингэлтэй дүүргийн ногоон байгууламж арчлагч байгууллагууд дараах байршлуудад цэцэрлэгжүүлэлт хийлээ.
Тусгаар тогтнолын талбай, Асашёрюүгийн цэцэрлэгт хүрээлэн, Их тойруугийн гудамж, Хэлмэгдэгсдийн хөшөө, Тасганы овооны орчимд нийт 5000 цэцэг, цэцгэн байгууламж хийж гүйцэтгээд байна.
Мөн нийслэлийн төсвийн хөрөнгөөр 2 байршилд цэцгэн байгууламжийн ажил хийлээ.
