Гавьяат тамирчин, боксчин Т.Үйтүмэн бүрлээчдийн мэдээллийг буяны компанийнханд өгч, хахууль өгсөн хэрэгт холбогдсон.
Түүний хувьд буяны үйлчилгээ үзүүлдэг компанийн гүйцэтгэх захирлаар ажилладаг байхдаа хэрэгт холбогдсон албан тушаалтануудад хахууль өгсөн гэх үндэслэлээр буюу Эрүүгийн хуулийн 22.5.1 хэсэгт заасан “өөртөө давуу байдал бий болгох зорилгоор бусдад албаны чиг үүрэг, бүрэн эрх, албан тушаалын байдалтай нь холбогдуулан мөнгө өгсөн” хэрэгт буруутгагдсан.
Тэгвэл өнөөдөр Шүүгдэгч “Э.Наранбадрах, Б.Тайванбат, М.Наранбайгаль, Б.Цолмонбаяр, М.Баасандорж, О.Даваахүү, Г.Одхүү, Б.Ууганбаатар, З.Баярсайхан, М.Хүрэлбаатар, Г.Гантуяа, С.Ариунболд, Н.Баяраа, Д.Майцэцэг, Г.Наранжаргал, Т.Бат-Идэр, А.Батчулуун, М.Лхагва-Очир, Г.Отгон-Эрдэнэ, Б.Бат-Ирээдүй, Ц.Төрболд, Т.Ариунжаргал, Н.Ууганцэцэг, Т.Үйтүмэн” нарт холбогдох /ЭХ-ийн 22.4-3, 22.4-4, 22.5-1/ хэргийн шүүх хуралдаан болж байна.
