Одоогоос хэдхэн жилийн өмнө Л.Оюун-Эрдэнэ үеэл Х.Нямбаатар болон бас бус хүмүүсийн хамтаар талбай дээр жагсаж өнөөдрийн байр сууринд суув. Тэр үед түүн шиг шударга хүн байхгүй мэтээр, тэвчээр нь тасарч байгааг залуусын төлөөлөл болон орилж байсан түүхтэй.
Ерөнхий сайдын зөөлөн суудалд сууснаасаа хойш чөмгөө дундартал чухам эх орноо хөгжүүлж байгаа гэх мэдээллийг олон нийтэд түгээж байснаас улс орон хөгжсөн эсэхийг олон нийт дүгнэх биз.
Үйлийн үр нь үү, ноёны алба ээлжтэй гэдэг нь болсон уу Л.Оюун-Эрдэнийн огцрох нь цаг хугацааны асуудал болоод байна. Харин огцрох уу? Өөрөө суудлаа өгөх үү гэдэг нь түүний сонголт мэдэх хэрэг боллоо.
Тэрбээр өнөөдөр УИХ-ын нэгдсэн чуулганд мэдээлэл хийж, өөрөө суудлаа өгөх үү? Огцруулах хүртэл гүрийх үү гэдгээ мэдээлэх болно.
Мэдээж энэ үеэр уламжлал ёсоороо олон нийтийг болон намынхаа эзэн биегүй хүмүүсийг сүрдүүлж дараа нь гомдлын мөр болгож матрын нулимс унагана. Ингэхдээ би хичээж байсан. Та нар л ойлгохгүй ажил хийлгэхгүй улс төржүүлж байна. Чөмөг цаашаа дундартал зүтгэсэн шүү гэх утга агуулга байх нь тодорхой.
Олон нийтээрээ Ерөнхий сайдынхаа үйлийг үзэж, нулимсыг нь бардаг үйлтэй түмэн ээ бид…
