Монгол улсын иргэн Эрдэнэбатын Тэмүүлэн, Цэрэнпунцагийн Санжаачойпэл нарыг 2025 оны 7 сарын 18-19-нд шилжих шөнө Сүхбаатар дүүргийн 3 дугаар хорооны нутаг дэвсгэрт үйл ажиллагаа явуулдаг “Канте” шөнийн цэнгээний газрын гадаа талбайд хохирогч Д.С-ын нүүрэн тус газарт нь гараараа цохих, хөлөөрөө өшиглөх зэргээр биед нь бүлэглэн халдаж эрүүл мэндэд нь хохирол учруулсан хэрэгт сэжигтнээр татаж 48 цаг саатуулсан билээ.
Тэдний цагдан хорионы 48 цаг өнөөдөр 22:00 цагийн орчимд дуусах гэж байгаатай холбоотойгоор Сүхбаатар дүүргийн прокурорын газраас цагдан хориог сунгах саналаа Дүүргийн Эрүү, Иргэний хэргийн хялбар ажиллагааны анхан шатны тойргийн шүүхэд хүргүүлжээ. Цагдан хориог сунгах эсэх шүүх хурал 2025.07.22-ны өдрийн 16:30цагт Дүүргийн Эрүү, Иргэний хэргийн хялбар ажиллагааны анхан шатны тойргийн шүүхэд боллоо.
Улмаар Эрдэнэбатын Тэмүүлэн, Цэрэнпунцагийн Санжаачойпэл нарын цагдан хориог цуцалж, улмаар хилийн хориг тавив.
