Монголын хүүхдүүдийн хамгийн их шимтэн уншдаг “Цондоолой Цүндээлэй хоёр”, “Динза” зурагт номын зохиолч, уран бүтээлчид хотын удирдлагуудын алдаатай бодлогын балгаар хохирол амсаад байна.
Учир нь саяхан болж өнгөрсөн номын баяраар тэд монголд анх удаа зөвхөн ном борлуулах төдий бус эцэг эх, багш сурагчдыг хамруулсан сургалт хэлэлцүүлэг өрнүүлэх, хүүхэд тоглож наадангаа унших орчныг бүрдүүлсэн 725 мкв бүхий томоохон байгууламжийг Сүхбаатарын талбайд барьж байгуулсан.
Энэхүү үйл ажиллагаанаас олсон орлогоороо номын зохиолч дунд сургуульд ном унших орчныг бий болгож тохижуулахаар төлөвлөжээ.
Хотын захиргааныхан ч энэхүү үйл ажиллагааг анхнаас нь дэмжин Номын байшинг Сүхбаатарын талбайд байршуулахыг зөвшөөрчээ. Гэсэн ч ердөө маргаашаас нь эхлэн хотын захиргааныхан энэхүү зөвшөөрлөө үгүйсгэн номын байшинг яаралтай буулга, нураа гэх зэргээ удаа дараа, дарга нар, албан хаагч нараараа дамжуулан дарамталсаар өнөөдрийг хүрч өнөөдөр хүчээр нураав.
