Ашиг сонирхлын зөрчлөөс ангид байх үүргээ биелүүлэх нь УИХ-ын гишүүдийн шударгаар хэрэгжүүлэх ёстой хамгийн чухал зарчмуудын нэг юм. Энэ асуудалд олон нийтийн хяналт, оролцоо нэн шаардлагатай.
Ирц, таслалт, үг хэлэхээс илүүтэйгээр өнөөдөр болох Байнгын хорооны хуралдаанаар хэлэлцэх ашиг сонирхлын зөрчилтэй холбоотой асуудалд анхаарлаа хандуулахыг уриалж байна.
Монгол Улс авлигын төсөөллийн индексээр сүүлийн жилүүдэд ухарч, 2024 онд 180 орноос 114-т эрэмбэлэгдэж байсан бол 2025 онд 124-т бичигдэж байна. Энэ нь төрийн албан тушаалтнууд эрх мэдлээ урвуулан ашиглах, авилгын эсрэг хууль тогтоомжийн хэрэгжилт хангалтгүй байгааг харуулсаар байна.
Тиймээс УИХ-ын гишүүд ашиг сонирхлын зөрчлөөс ангид байх зохицуулалтыг илүү тодорхой болгож, УИХ-ын тухай болон Чуулганы хуралдааны дэгийн тухай хуулийн хэрэглээг боловсронгуй болгох шаардлагатай гэж үзэн энэхүү хуулийн төслийг санаачлан боловсруулжээ.
