“МАК”-ын отгон хүү Н.Мөнгөншагай ахлах дэслэгч болжээ
УИХ-ын гишүүн Н.Номтойбаярын хүү Н.Мөнгөншагай ааваараа биш өвөөгөөрөө овоглодог билээ. Тэрээр АНУ-д цэргийн сургууль төгсч ирээд багагүй хугацааг үдсэн. Эх орондоо ирээд удаагүй байхдаа загвар өмсөгч Б.Ялгуун гэх бүсгүйтэй үерхэх болсон билээ.
Тэгвэл тэрээр ахлах дэслэгч болжээ. Энэ тухайгаа өөрийн цахим хуудсаараа мэдээллэсэн байна.
Н.Мөнгөншагайгын хувьд Н.Номтойбаярыг 17-хон насанд нь аав болгосон. Тэрээр аав гэхээсээ өвөөтэйгөө ойр өссөнийх чекист эрхмээс сурсан зүйл багагүй. Дэлхийн нэр хүнд бүхий АНУ-ын Цэргийн академи буюу “West Point”-д олон улсын 125 оюутан суралцах хүсэлт явуулснаас 16 нь тэнцсэний нэг нь Н.Мөнгөншагай байсан билээ.
“Сант” сургуулийг төгссөн хүү бүх талаараа бэлтгэгдсэн дэлхийд зөвшөөрөгдөх хэмжээний боловсролтой байсан талаарх мэдээ хэдэн жилийн өмнө монголчуудыг омогшуулсан.
Тэр тус академид суралцахаар тэнцсэн хоёр дахь Монгол сонсогч.
Тэр ч утгаараа Нямтайширын гэр бүл ирээдүйн Батлан хамгаалахын сайдыг бэлдэж байгаа бололтой гэж харах ч хүн бишгүй их байна.
